بغيتي السالف طويل وصفة بسيطة لتطويل وتكثيف وتقوية الشعر واعادة اصلاحه ونتيجة مضمونة

**المغربية** · 12:21 AM

وصفة بسيطة وووريحتها زوينة وفنفس الوقت نتيجة مضمونة وبالتجربة

الا ما نفعاتك ما تضرك

بعد تجربتي لعديد من الخلطات هادي لي داومت عليها ولقيت الراحة

بلا متكثر عليك في الخلطات لي دغيا كتطلع في الراس

او تستعملي الثوم والبصل تقلب بيهم الدار وراسك وعاد لي فالداراو زوجك يهربوا منك

ولا جاو ضياف على غفلة وانتي يلاه دهنتي راسك بدوك المواد اوا تخيلي

المهم نعطيك وصفة تطويل الشعر وكيخلف لي عندها ضعيف ولا كيتساقط و كيرجع يلمع. وخا يكون ناشف بالصباغة وبهات يرجع حيويته والنعومة دياله.بلحاق خصها المداومة.. باش يرطاب ويلمع ويقوى وتحميه م التقصف

هي راه غتلقا الفرق من اول استعمال ولكن خليها الزيت ديالك الدائمة

خدلك زيت افوكا .

زيت جوز الهند

زيت جووبا...

زيت اللوز...

زيت اركان....

المهم الزيوت اختياري انت ولي توفر عندك اهمهم زيت الزيتون

خدلك لي بغيتي والا اكتفي غير بزيت الزيتون

جيبي بذورالكتان+الزنجلان وحمصيهم شوية وطحنيهم مزيان...وخدلك نوى التمر جمعيه هاد رمضان الماجي والا كان التمر دالسعودية افضل..وحتى هو حمصيه في الفرن حتى يتحمر مزيييان بلحاق العافية تكون مهيييلة باش ميتحرقش...وطحنه في طحانة كهربائية

وخلطه مع الخليط الاول وضيف كلشي في قنينة الزيوت لي عملتي وخليها شي اسبوع وحركيها مرة مرة

ومن بعد بدا تشقق راسك بيها كل ما كنتي داخلة للحمام ...ساعة على الاقل قبل مع تدليك خفيف لفروة الراس مع تفتح المسام ويدخل الخليط للفروة

ودهن شعرك كامل مزيان وجمعه

هادي من جهة ...من جهة اخرى خدي البابونج وازير ووريقات الكرفص او المعدنوس...الريحان.غ الزعتر ..ماء الجزر غليهم في الماء وخليهم يطلقوا وبديك لماء تشلل ...خلي هد المنقوع هو اخر تشليلة لشعرك....عمليها كل ما رشقتلك حيت هد الاعشاب لي جمعتلك مهمة في تطويل ونعومة وتقوية الشعر

غير هو ماشي بالضرورة كلهم تعملهم فدقة راه كل مرة غلي حاجة وشلل بيها التشليلة الاخيرة انتي ولي قدرتي عليه

واستعملي شمبوان والديميلور لاعادة بناء الشعر التالف....كدلك لي كيتساقط شعرها او الشعرة عندها رقيقة تخلط قطرات من زيت القطران في الشمبوان لي ضد التساقط ولا تشقق به فروة الراس فقط

خصائص القطران راه كيقضي حتى على القشرة والفطريات

انا مكنستغناش على البلسم خصوصا لي كتصبغ شعرها وعندها ناشف

معلومة مهمة متقطعشي شعرك بالمشيط وانتي فالحمام..غسليه ولويه ففوطة ...نشفيه ودهني غير الشعر والاطراف بالزيت لي كيوالمك كل وحدة وشعرها ...وجمعيه شي ربع ساعة عاد مشطيه

بالنسبة لي شعرها دهني وبغات تتهلا في شعرها ومكيولموهاش الزيوت تعمل زيت الخزامة بدل الزيوت الاخرى

نصيحة مهمة هي تقطع الاطراف دالشعركل شهرين خصوصا في الشهر الهجري ايام 17 ولا 18

ملي تتصدق على شي مسكين نويها للعلاج من اي مرض او داء او مشكل او او وتسمي هداك الامر

والسلام ختام

انا مبخلتشي عليكم حتى انتوما متبخلوش عليا بدعواتكم وخا بظهر الغيب

منقول