كيف تعتنين بالشعر الكيرلي

**العنود** · 05:59 PM

1. خلي شعرج هو اللي يقول لج متي تغسلينة، اذا يدهن بس يومين، غسليه بعد يومين

2. الشامبوهات وايد، اختاري الشامبو اللي يحتوي علي مادة السيليكون ، راح تلاقين هالمعلومة في المكونات مثل هذه المواد:

cyclomethacone

dimethacone

3. اختاري البلسم المكتوب عليه نفس نفس مواد السيليكون عشان يغلف الشعر

4 اذا ما تبين تغسلين شعرج وتبين توخرين الدهن اللي فيه، استخدمي الشامبو الجاف، dry shampoo وهو بودرة تسحب الدهن من الشعر

5. مو شرط تغسلين شعرج في شامبو كل ما تسبحين اذا هو نظيف، بس غسلي جسمج وبللي شعرج وتقدرين تستخدمين البلسم بدون الشامبو، بس ما تحطينة علي الفروة

6 اول ما تطلعين من الشاور، استخدمي بلسم يترك علي الشعر واستخدمي زيت الخروع علي الاطراف او زبدة الشيا ، بهذه الطريقة راح نحبس الماي داخل الشعرة وما تجف

7 لا تمشطين شعرج بعد الشاور الا بعد ما يجف نصه، ومشطيه بمشط اسنانه وسيعة

8 يفضل تتركينة يجف بروحة بس اذا ما تبين استخدمي الهواء الحار بالديفيوزر عشان تتوزع الحرارة او مثل البونيه اللي تقدرين تشبكينه مع المجفف و استخدمي حرارة قليله

9 اذا بديتي تشمين ريحة كبريت بعد التجفف، معناته قاعدة تخربين الشعر وتفككين الروابط فيه وهم الماي اللي فيه بعد التجفيف القوي يغلي ويبطط الشعر من الداخل

10 ربطي شعرج في بندانه حرير او نامي علي مخدة من حرير عشان لا يجف زيادة من قطن المخدة، القطن معروف يشفط الماء من الشعر، عشان جذيه عندنا فوط من القطن ومو من الحرير

11. سوي ماسكات البروتين بشكل دوري ولا تسوين الكيراتين اللي يستخدمون الايرون او الكي بعده لانه يخرب الشعر، هم بعد في ماسكات زيوت ومواد تلطيفية مثل الصبار ، حطي نايلون علي الشعر او فوطة رطبه حارة ولبسي كاب الحرارة البونيه فوقة مرة بالاسبوع

12. اذا ودج تصبغين شعرج فالصبغ افضل ان يكون غامج او مثل الشعر الطبيعي، كل ما فتح ، كل ما جف اكثر وراح يخرب الشعر اكثر لان فيه مادة الامونيا والبيروكسايد بتركيز اعلى ..