فن الاتيكيت ومحاولة تغير لبعض السلوكيات الخاطئة الدرس 5

**المغربية** · 02:07 PM

فن الاتيكيت ومحاولة تغير لبعض السلوكيات الخاطئة الدرس 5

تتمة اتيكيت العرضة و الزيارات

5 ــ خاصنا نعرفو الاوقات المناسبة لزيارة وعدم الذهاب في الوقت الغير مناسب بحال وقت الغداء و العشاء ولا في وقت مبكّر من الصبح ولا متأخر في الليل!( ماخصناش نمشو والناس كايتغداو ولا كايتعشاو ولا في وقت نعاسهم لالالا راه عيب وغير حضارية) ومن الاتيكيت باش نعلمو الناس قبل الذهاب لعندهم بالتلفون مهما كانت العلاقة وطيدة بينا فكّري وكأنّك شي حد جاي عندك لدارك( ندير التلفون واخا تكون ختي وساكنة في زنقتي ونقوليها انا غادي ندوز لعندك ونحدد شنو باغية وامتى غادي ندوز).

من الاتيكيت ماخاصنيش تجلس فين ماعجبني ولا نمشي ونفتح الثلاجة ولا نبقى نقلب في شي اجندا (agenda) ولا نشد لبورتابل ديالهم ونبقى نقلب فيه (من العيب والجهل باش نقلبو في اغراض الناس الخاصة) وماخصنيش نذهب للحمام بدون استئذان من صاحبة الدار(يمكن مامرتب ولا فيه شي حد).
ومن الاتيكيت باش مانبقاوش نتبعو صاحبة البيت للكوزينة ونتبعوها لبيت نعاسها ونبقاو غير نتبعوها لالالا راه عيييب الا الى طلبو منكم اصحاب البيت.

ومنالعيب باش نرفضو كل ما يتقدّم للضيف من مشروبات وحلويات مايعتبر تصرفا غير لائق وغادي يجرح ويقلق اصحاب البيت بصورة مباشرة.

ومن الاتيكيت احترام ضيوفك واحترامهم هو احترامك لنفسك وبيتك وماتبقاي مشغولة بتلفونك:67: ولا بالتلفزيون (من الاتيكيت الى جاو عندنا الضياف نطفيو التلفزيون والراديو:70:ونعطوهم وقت وننتابهو لهم وتبادلو معهم الهدرة)ومن الاتيكيت مانستقبلهمش بملابس النعاس ولا طابلية كلها زعفران ولا دايرة ماسك لشعري:

اتيكيت بحالاش نقدمو الهدايا (les cadeaux).

ومن الاتيكيت الى جابو لك الضيوف هدية باش تشديها منهم وتشكريهم (ماشي تهزيها بيد وحدة ولا تحطيها في باب الدخلة ولا تديها للكوزينة ولا بيت النعاس لالالالا) .

من الاتيكيت الى ديتي لشي حد هدية شديها بيديك بجوج وشوفي في عينيه ونفس الشي الى عطاك شي حد هدية شديها منو بيديك بجوج وانتي تشوفي في عينيه مع بسمة الشكر والامتنان والى شديتيها شكريه لمجرد تفكيره بكوحطيها واحد الشوية جانبا وهدري معاه من بعد قدمي المشروبات (العصير ولا اتاي ولا القهوة ..الخ)ومن بعد فتحي الهدية و اشكريه مرة ثانية وتفتحيها قدامهم وفرحي بيها وبيني لهم انها عجبتك وماتسوليهمش بشحال شراوها ولا فين شراوها واخا يكون زوجك ولا باك ماتسوليييييييش ومن العييب والتخلف باش تحطيها على جنب وماتفتحيها وماتشكريهم عليها مهما كانت (واخا تكون عندك منها 100 قطعة ديري راسك يلاه شفتيها وبلي عاجبااك والى كان اللي قدم لك الهدية امرأة وقفي وبوسيها وشكريها والى كان اب اخ ابن اخت ابن اخ حتى هما بوسيهم والى كان غريب عليكم وهو راجل شكريه بكلمات جميلة ).

يتبع