كل داء او دواء نافع كل شيء قد خلقنا بقدر كذلك الرزق

**الشيخ / خالد الجعفري** · 05:49 PM

كُلُّ دَاءٍ أَوْ دَوَاءٍ نَافِعٌ *** كُلَّ شَيْءٍ قَدْ خَلَقْنَا بِقَدَرْ
==============================
درس مهم جدا جدا جدا جدا لسيدى فخر الدين يتحدث فيه عن الزرق
==============================
أصلاً موضوع الرزق ده ما ممكن يتعرف ولا تقدر تصوره ولا ينفع فيه التدبير ولا التفكير ولا العقل ، وبعدين تبارك وتعالى يقول : خلق الدنيا كلها السبع سموات والبحار السبع والأراضين السبع كلهم ( جعلهم ) خلقهم في يومين ـ وخلق الرزق في أربعة أيام ـ الدنيا طلعت في يوم الأحد والاثنين ـ أما الثلاثاء والأربعاء والخميس والجمعة لتقدير الأرزاق ( قدر فيها أقواتها ) الآية ـ يعني في الأرض ذاتها ـ يعني بالعربي احنا ناس مخلوقين من الأرض يبقى رزقنا في الأرض ـ بهايمنا في الأرض ـ المياه ـ الأكل ـ شفانا ـ مرضنا كله من الأرضحر فيه سمك ـ الملائكة في السماء بالشكل ده كل خلق ورزقه في محله ربنا ( وما من دابة في الأرض إلا على الله رزقها ) الآية ـ مطلق الحياة الإنسان ـ الحيوان ـ العقرب أي حاجة ( يعلم مستقرها ) يعني مستقر الدابة ( ومستودعها ) يعني مستودع الرزق ـ ( كل في كتاب مبين ) إذن تدبر تعمل إيه ؟ بعدين حصل أن ناس جم قالوا لي عاوزين نعرف ما هي علاقة الدنيا بالآخرة بعدين نتناقش في الطريقة ؟ قمت أنا وقفت والشمس طالعة ـ مشيت متجه نحوها ـ قلتلهم شايفين ـ قالوا : أيوه ـ قلت لهم قدروا أن أنا ماشي لدنيا ( اللي هي الشمس في التمثيل ) ربنا أوحى إلى الدنيا لما خلقها قبل ما يخلق فيها أي حاجة ( يا دنيا اخدمي من خدمني واضمعي من خدمك ) حديث قدسي . قلت لهم : أنا ماشي نحو الشمس كده ظلي يتبعني وإذا مشيت شديد يمشي شديد وإذا جريت يجري وراي ـ الظل هنا هو الدنيا ، إذا واحد اتجه إلى الله الدنيا تخدمه وتجري وراه كل ما يتجه شديد إلى الله زي الظل اللي يتبعه غصب عنه مش برضاه ـ طيب لو أنت أعرضت عن ربنا ومشيت ورى الدنيا ـ يعني جعلت الشمس خلف ومشيت يكون ماشي أمامي وإذا جريت يجري شديد ما أمسكه . أخيراً قعدت في الأرض ظلك يكون تحتك فقط معناه ما تحصل من الدنيا إلا رزق يومك فقط أكثر من كده ما فيش .حصل مرة كان عندنا حيوان في سكة البحر في مسافة طويلة زي من مصر لحلوان بعدين التمساح مسك واحد ، في الوقت ده كان وقت ظهر والناس قاعدين للغداء واحد منهم وقفت في حلقه لقمة كبيرة . ضربه على ظهره طلعت اللقمة وقعت في طبق غطوا الطبق ده وكان ما فيش أكل غيرها .واحد قام يجيب مياه من البحر لقى الناس ملمومين علشان التمساح مسك واحد طلعوه وفكوه من التمساح ، قعدوا يغضوا المياه من بطنه لغاية ما اتصفت قال الرجل : أنا جعان خالص اديني حاجة أكلها ؟ جابوا له اللقمة اللي في الطبق إياه ـ شالها أكلها ـ اللقمة دي ما أكلهاش الأولاني ليه ؟ اللي وقفت في حلقه ، لأنها مش رزقه ـ قالوا له : نجيب لك ميه ؟ قال : لا عليَ الطلاق أنا اللي أجيب الميه مشي يجيب ميه من البحر كان التمساح واقف مسك الرجل ثاني أكله ـ أصبح هو ده ذاته رزق التمساح .قصة الرزق دي حاجة ما معقوله . أنت ستأكل رغيف جايز فيه جبنتين واحدة من روسيا وجبنة من دنقلة جبنه من الأبيض ـ وأنت جيت هنا علشان تأكله لأنه رزقك .الشاطر خالص يشتغل بيديه ويخلي قلبه لربنا ( فتشغل بيدك الرزق وخلي بتاع ربنا لربنا ) ـ سيدي أبو الحسن قال لتلميذه : عندما سأله : ما الحيلة يا مولانا ؟ فقال له الإمام الشاذلي : ( الحيلة في ترك الحيلة ) .سؤال : فيه أولياء يروح لهم مريد فقران يشتكي له فيعطي له حاجة تفك معاه يكون ده كيف ؟الجواب : أيوه بس ده مش من الرزق المقدر أو المربوط اللي احنا اتكلمنا عليه كما سبق لكن الرزق اللي ما مربوط اللي هو متصل بأكثر من واحد ـ بتاعك مع بتاع غير فلان وهكذا ده لوحده .سؤال : هل الاجتهاد في الرزق والسعي وراه يزود الرزق ؟الجواب : أصالة الرزق هو أنك أكلت ـ شربت ـ لبست ـ اقتنيت ـ شميت ـ مشيت ـ هو ده الرزق الباقي بعد كده ملولو بتاع مخاليق تانيين . وأي واحد يأكل ويقول خلى الباقي علشان الأولاد طيب ليه ما الأولاد لهم رب يرزقهم .لكن الحاصل كده أنك ما تنال إلا رزقك فقط والباقي ده بتاع ناس تانيين . والسعي مطلوب عموماً بس أنت تعمل اللي عليك ولكن ما تقدر تعرفه .سؤال : لو واحد من الإخوان مسئول يقول فيه شغلة بعد الظهر علشان يزود الماهية شوية . نقول له إيه هل نقول له : يا أخي اقنع بالقليل وسيدي إبراهيم يبارك لك في القليل ولاَّ يكون الميزان إيه ؟الجواب : ما بيعرف ولا نقدر نعرفه ـ لكن الشطارة الشديدة أن الواحد يصرف على قدر دخله ـ لكن السلف يتعب الواحد ـ إذا اداينت وما تقدرش تسدد هو ده البهدلة ـ لكن النظام الصح الواحد يمشي على قدر خطوته . وأصالة لما ربنا أرسل سيدنا جبريل جاب القمح لأبونا آدم سيدنا آدم مشي للقمح فسيدنا جبريل بكى سيدنا آدم قال له : بتبكي ليه ؟ قال له : أنت أتعبت أولادك من بعدك ما كنت تمشي هي كانت تجيلك . أصبح السعي للرزق واجب رسمي على كل الحالات . لكن الممنوع هو أن الواحد ما يمسك الدنيا خالص خالص ويترك الآخرة . لا ـ يشتغل الدنيا بيديه بحالاته كلها بتفكيره وبتدبيره وتخلي القلب لربنا لأن ربنا خلق يدين وعينين علشان كده واحدة لربنا وواحد لرقبتك .إذا ما عملت كده تبقى ما أنصفت . ما كان عمل عين واحدة وخلاص . العدة كاملة عندنا لكن ( خلق الإنسان هلوعا ) الآية . وجزوعا كمان .والميزان المضبوط ده ( واحد لرقبتك وواحد لربنا ) ما يحصل للإنسان إلا إذا تزكى وتطهر وما في حيلة إلا بده وكل الميزات والآداب والأمواج ما بتنفع بالتجريب لكن ما بتيجي إلا بنظافة وتطهير القلب .سؤال : هل التدبير والاختيار مطلوب ؟الجواب : أيوه ـ لأنه عطوك العقل ليه ؟ كل حاجة بيشتغل حاجة ـ العين بتشوف ويكون العقل إيه يقعد ساكت ؟ ربنا يقول ( لو كنا نعقل أو نسمع ما كنا من أصحاب السعير ) الآية . ( لو كنا نسمع أو نعقل ما كنا من أصحاب السعير ) الآية . أي نصراني عنده عقل لكن المصيبة أنه ما شغلوش . عندهم عقل ورأس وكل حاجة لكن ما فكروش كلام الرسول صلى الله عليه وسلم ده فيه إيه ؟ السبب لابد من لأن واحد يترك السبب ما عاقل أصله .الأسباب الدنيا كلها مربوطة بالوسائل .سؤال : هل الواحد يتكلم في الإرشاد والأوراد والطريقة وبس ويترك مواضيعه الأخرى الثانية من شغل وزواج وكده ؟الجواب : لا ـ لا ـ في كل حاجة يمشي ـ الدنيا والدين ( من استطاع أن ينفع أخاه المؤمن بشئ فليفعل ) .وبالنسبة للأولياء يختلفوا عن الناس العاديين يعني مثلاً أنا واحد من الناس ما يلزمنيش أمشي أسعى للرزق ليه ؟ أمشي أقول يالطيف 129 مرة مثلاً خلاص كفاية لأن ده كمان يعتبر سعي ( الله لطيف بعباده يرزق من يشاء بغير حساب ) الآية .سؤال : بييجي ناس للمسئول يشاوروه في زواج في مشروع في أي موضوع آخر غير الأوراد والطريقة فالواحد بيخاف يفتي له في حاجات مغيبة مش بتاعتي ؟الجواب : كده كويس ـ لأن لو الحاجة دي اتعطلت أو اتأخرت يشك أو يزعل ـ أحسن يشتغل في المواضيع دي لوحده ـ هو جاي للطريقة أصلاً مش لحاجة تاني لكن لو الواحد عايز مساعدة ساعدوه بواسطته ـ تخدمه زي كده ـ المغيبات دي خلوها منقول