في روضة العلم الموهوب

**الشيخ / خالد الجعفري** · 06:24 AM

★في روضة العلم الموهوب★

#س: فيه حاجات ماحدش يعرفهم إلا الله كما قال تعالى
{إن الله عنده علم السـاعة وينزل الغيث ويعلم مافى الأرحام وماتدرى نفس ماذا تكسب غدا وماتدرى نفــس بأى أرض تموت}؟

#مولانا #الشيخ : {وعنده مفاتح الغيب لايعلمها إلا هو}
يعنى الغيب له مفاتيح بتفتحه، مفاتيح الغيب دى عند (الهو)، يعنى (هو) بيعلم الغيب، (الهو) خباها فين؟ في النبي صلى الله عليه وسلم يعنى يعرف إنه خباها في النبي صلى الله عليه وسلم، تقول الله ! مش الله بيعلم الغيب؟ لو قدرنا إنى طالع في الشارع أفتش على عيش، قالوا لى إن مافيش عيش في الخرطوم إلا عند فلان، يبقى لو رحت عند فلان مش حاخد من العيش؟ أيوه، فالغيب كله عند الله، يعنى لايعلم الغيب إلا الله، واحد راح عند الله، والله علمه الغيب يبقى ده المعنى.

كمان التأويل {لايعلم تأويله إلا الله والراسخون في العلم يقولون آمنا به} يكون المعنى مين اللى قال للراسخين في العلم علشان يقولوا آمنا به كل من عند ربنا؟ مش ربنا؟ والصحابة جه عنهم إنهم يعرفوا الغيب، في قصة سيدنا أبوبكر لما قال (ذو بطن أراها جارية) وسيدنا عمر لما قال (إنما هي فراسة مؤمن) وسيدنا عثمان قال (إنما هي بصيرة وفراسة مؤمن صادقة) فقال النبي صلى الله عليه وسلم (اتقوا فراسة المؤمن فإنه ينظر بنور الله) سيدنا على ده خليه.
العلم عنده، والآية {وماهو على الغيب بضنين} والشئ الضنين يعنى الناقص، يعنى مش ناقص علم الغيب، ولايغيب عليه الغيب، الغيب عند الله، علم الغيب عند الله، واللى عاوز الغيب يروح عند الله يتعلم منه الغيب، غيب كل شئ،
الشيخ قال : أخذت العلم عن قلبى، قلبه تكلم بالأسماء أو بالأفعال أو بالصفات أو بالذات، أى بأى حاجة من دول، أخذ العلم عن قلبه وسنده عن ربه.وأشياخى إشاراتى، الأشياخ دول جاؤوا من داخل حجب الذات، وربنا قال {إنا أنزلنا إليك الكتاب بالحق منه آيات بينات هن أم الكتاب وأخر متشابهات، فأما الذين في قلوبهم زيغ فيتبعون ماتشابه منه إبتغاء الفتنة وابتغاء تأويله ومايعلم تأويله إلا الله} ربنا سبحانه وتعالى قفل الباب وخلاص {والراسخون في العلم} هو اللى قال لهم.