المغربية
11-09-2017, 01:36 PM
فن الاتيكيت ومحاولة تغير لبعض السلوكيات الخاطئة
السلام عليكم ورحمة الله وبركاته
بصراحة ماعرفت فين نزل هذ الموضوع المنقول هو عبارة عن فن الاتيكيت ومحاولة تغير لبعض السلوكيات الخاطئة التي نقع فيها يوميا سواء في البيت في الشارع في السوق في اماكن عامة عند الاهل عند الاحباب في العزومات وهو بالدارجة المغربية ..الخ
نبدأ ببسم الله
1 ــ فن اتيكيت التليفون :
الى كنت انا اللي طالبة شي رقم نقول اسمي ومن بعد نطلب الشخص اللى بغيت (مثلا الو معك الهام ممكن نتكلم مع سعاد من فضلك؟او الو معك الهام بغيت سعاد الله يخليك/ الو معك الهام كاينة سعاد بغيت نهدر معها)
وخاصني نراعي للشخص اللي كانهدر معه مانهدرش معاه بتكبر ولا باستهزاء خاص يكون ردي واضح مهذب ومحدد (لاني انا ماكنعرفش هذاك الشخص اشنو كايدير يمكن مشغول يمكن خارج يمكن مريض ..الخ)
الى شي حد طلبني فى التليفون نرد عليه بسرعة (راه ماتصل حتى كان عندو الغرض بيا وطبعا من خلال صوتو واسلوبو غادي نعرف واش مهم ولا غير لتسلية) والى معايا شي حد نستأذن منو قبل مانجاوب في التلفون(مثلا المعذرة دقيقة نجاوب على التلفون /سمحولي نجاوب على التلفون/ الى جات على خاطرك نجاوب على التلفون)
ومن الضروري خاصني نرد البال مع الناس اللي معايا باش مانقلقهم ونرد البال مع المتصل باش مايسمعش اصوات الناس اللي معايا وينزعج (نمشي بعيد شوية ولكن مانغيبش على عينين ضيافي )
وخاصني نهدر بصوت مسموع لشخص اللي متصل عليا مع المراعاة مانزعجش الناس اللي معايا ونغوت حتى يسمعني كلشي الناس ومانغوتش حتى نضر المتصل في راسو ويحرم يتصل عليا ههههه
بعض المرات كايكون حدانا شي حد يهدر في التلفون نسمعو قصة حياتو بالتفصيل وخاصك تهدري بصوت انثى ماشي صوت العربي مول الدلاح
والى كنت مع ناس عارضيني ولا عند الطبيب عند محاميولا مشيت لشي ادارة ودخلت عند المسؤول ولا جا دوري عند شي موظف من الاتيكيت نحط تلفوني على الصامت ولا نطفيه كااع راه من غير الايق باش يبقى يصوني ونقطع ولا يصوني ونجاوب وانا هذاك الشخص عاطيني من وقتو ومحترمني
والى كانت شي وحدة مثلا مع خطيبها في جلسة نقاش عشاء استفسار تطفي التلفون
ولا في نقاش مع زوجها عمها باها امها اي نقاش من الاتيكيت تطفي التلفون لانه غادي يخربق لك افكارك ويزعج الشخص اللي يناقشك
2 ــ فن اتيكيت المشي :
المرأة خاصها تعرف بلي هيا انثى وتعرف بحالاش تمشي والمشي هو اهم مايلفت النظر الى المرأة
ماخاصكش تجري رجليك وانتي تمشي (كانشوف عيلات زوينات وانيقات ولكن يجرو رجليهم شي تجرجير يجيب لي لفقايس )
وماتتمشاييش بحال شي راجل رجليه مفركين وماتمشيش بحال الى دايرين ليك الضوء واتمشيش وانتي تترعدي كلك مشي غير بهداوة وبدون تجرجير بيني بلي انتي امرأه ولكن بدون دلع هايفاء وهبي تذكري انك مسلمة . طلقي ذراعيك على لجناب ديالك وهزي كتافك وقادي ظهرك حافظي على توازنك سبقي مقدمة رجلك قبل gدامك (الكعب) على الارض .
الى كنتي على رجلك في الطريق الشارع الزنقة مشي دايما عكس سير اتجاه السيارات( مثلا مشي والسيارات اللي جايا كاتشوف فيك باش تكوني شايفاهم حتى مايبقاو يكلاكصونيو عليك باش تخرجي الطريق) مشي فوق الطروطوار (trottoir) الرصيف بعدي على بيبان الناس وماتدخليش في الطريق خليك على الطروطوار وتذكري ان الطريق ملك عام الى كنتي مع صحباتك ماتديروش صف وتجو خارجين في الناس الى شفتو شي حد في طريقكم اعطيه الطريق يدوز وماتهدريش بصوت عالي في الزنقة تذكري انك امرأه ومسلمة وفن الاتيكيت بانواعه جا بيها الاسلام قبل كل الديانات والبروتوكولات نقي الكلمات الطيبة الى دزتي من جنب شي امرأه لقي التحية مع الابتسامة واخا غير تهزي راسك وتدوزي والى تصادفتي مع صديقة قريبة وقفي قبل مانوصلك وابتسمي وحلي ذراعيك استقبلا لها وسلمي عليها ودوزي يد على ظهرها ويد شادة في يدها بكل لطف لان فيها نوع من الراحة وتخلي الشخص يحسك قريبة منو بزااف واخا تكون بينكم قطيعة ملي تكملي السلام بالجسد ميلي على يمينها وتقدمي بخطوة وحدة (باش ماتحرجك وتسبق ليك انا مشغولة)وبداي بسؤال عن صحتها وعن اسرتها ولكن بكل اختصار وماتطوليش وتجبدي مشاكل عمك وخالك وجارتكم نادية وولدها تامر والعربي مول الدلاح لالالالا خليك غير على السلام والسؤال عنها وانك مفتقدتيها وودعيها على انكم غادي تتلاقو مع الابتسامة
من فن الاتيكيت اننا مانبقاش نحنزو(نخرجو عينينا)في الناس ونهدرو عليهم وحنا نشاورو لهم بيدنا او راسنا
من فن الاتيكيت مانتفلوش في الشارع (دفلة) ونخويو نيفنا ونرميو الزبالة (انا بعدا كانحشم وكانقول لو المغرب يصدر التفال كان حنا اغنا بلد لاني كانكون غادية ونقلب فين نحط رجلي من كثرة التفال حاشاكم) من العيب والعار علينا وعلى شبابنا انه يرجع الشارع والزمقة وقدام بيتهم مكان لتفال وقشور الزريعة وبابي ديال الحلويات ..الخ ( في بعض الدول حطو كاميرات ترمي غير عود سنان خاصك ترجع تهزو ايوة يجو عندنا كون راه كاع الرجال شادين الجفاف ونهار كامل كايجففو دفالهم اللي دفلوه في الزناقي والشوارع)
يتبع
السلام عليكم ورحمة الله وبركاته
بصراحة ماعرفت فين نزل هذ الموضوع المنقول هو عبارة عن فن الاتيكيت ومحاولة تغير لبعض السلوكيات الخاطئة التي نقع فيها يوميا سواء في البيت في الشارع في السوق في اماكن عامة عند الاهل عند الاحباب في العزومات وهو بالدارجة المغربية ..الخ
نبدأ ببسم الله
1 ــ فن اتيكيت التليفون :
الى كنت انا اللي طالبة شي رقم نقول اسمي ومن بعد نطلب الشخص اللى بغيت (مثلا الو معك الهام ممكن نتكلم مع سعاد من فضلك؟او الو معك الهام بغيت سعاد الله يخليك/ الو معك الهام كاينة سعاد بغيت نهدر معها)
وخاصني نراعي للشخص اللي كانهدر معه مانهدرش معاه بتكبر ولا باستهزاء خاص يكون ردي واضح مهذب ومحدد (لاني انا ماكنعرفش هذاك الشخص اشنو كايدير يمكن مشغول يمكن خارج يمكن مريض ..الخ)
الى شي حد طلبني فى التليفون نرد عليه بسرعة (راه ماتصل حتى كان عندو الغرض بيا وطبعا من خلال صوتو واسلوبو غادي نعرف واش مهم ولا غير لتسلية) والى معايا شي حد نستأذن منو قبل مانجاوب في التلفون(مثلا المعذرة دقيقة نجاوب على التلفون /سمحولي نجاوب على التلفون/ الى جات على خاطرك نجاوب على التلفون)
ومن الضروري خاصني نرد البال مع الناس اللي معايا باش مانقلقهم ونرد البال مع المتصل باش مايسمعش اصوات الناس اللي معايا وينزعج (نمشي بعيد شوية ولكن مانغيبش على عينين ضيافي )
وخاصني نهدر بصوت مسموع لشخص اللي متصل عليا مع المراعاة مانزعجش الناس اللي معايا ونغوت حتى يسمعني كلشي الناس ومانغوتش حتى نضر المتصل في راسو ويحرم يتصل عليا ههههه
بعض المرات كايكون حدانا شي حد يهدر في التلفون نسمعو قصة حياتو بالتفصيل وخاصك تهدري بصوت انثى ماشي صوت العربي مول الدلاح
والى كنت مع ناس عارضيني ولا عند الطبيب عند محاميولا مشيت لشي ادارة ودخلت عند المسؤول ولا جا دوري عند شي موظف من الاتيكيت نحط تلفوني على الصامت ولا نطفيه كااع راه من غير الايق باش يبقى يصوني ونقطع ولا يصوني ونجاوب وانا هذاك الشخص عاطيني من وقتو ومحترمني
والى كانت شي وحدة مثلا مع خطيبها في جلسة نقاش عشاء استفسار تطفي التلفون
ولا في نقاش مع زوجها عمها باها امها اي نقاش من الاتيكيت تطفي التلفون لانه غادي يخربق لك افكارك ويزعج الشخص اللي يناقشك
2 ــ فن اتيكيت المشي :
المرأة خاصها تعرف بلي هيا انثى وتعرف بحالاش تمشي والمشي هو اهم مايلفت النظر الى المرأة
ماخاصكش تجري رجليك وانتي تمشي (كانشوف عيلات زوينات وانيقات ولكن يجرو رجليهم شي تجرجير يجيب لي لفقايس )
وماتتمشاييش بحال شي راجل رجليه مفركين وماتمشيش بحال الى دايرين ليك الضوء واتمشيش وانتي تترعدي كلك مشي غير بهداوة وبدون تجرجير بيني بلي انتي امرأه ولكن بدون دلع هايفاء وهبي تذكري انك مسلمة . طلقي ذراعيك على لجناب ديالك وهزي كتافك وقادي ظهرك حافظي على توازنك سبقي مقدمة رجلك قبل gدامك (الكعب) على الارض .
الى كنتي على رجلك في الطريق الشارع الزنقة مشي دايما عكس سير اتجاه السيارات( مثلا مشي والسيارات اللي جايا كاتشوف فيك باش تكوني شايفاهم حتى مايبقاو يكلاكصونيو عليك باش تخرجي الطريق) مشي فوق الطروطوار (trottoir) الرصيف بعدي على بيبان الناس وماتدخليش في الطريق خليك على الطروطوار وتذكري ان الطريق ملك عام الى كنتي مع صحباتك ماتديروش صف وتجو خارجين في الناس الى شفتو شي حد في طريقكم اعطيه الطريق يدوز وماتهدريش بصوت عالي في الزنقة تذكري انك امرأه ومسلمة وفن الاتيكيت بانواعه جا بيها الاسلام قبل كل الديانات والبروتوكولات نقي الكلمات الطيبة الى دزتي من جنب شي امرأه لقي التحية مع الابتسامة واخا غير تهزي راسك وتدوزي والى تصادفتي مع صديقة قريبة وقفي قبل مانوصلك وابتسمي وحلي ذراعيك استقبلا لها وسلمي عليها ودوزي يد على ظهرها ويد شادة في يدها بكل لطف لان فيها نوع من الراحة وتخلي الشخص يحسك قريبة منو بزااف واخا تكون بينكم قطيعة ملي تكملي السلام بالجسد ميلي على يمينها وتقدمي بخطوة وحدة (باش ماتحرجك وتسبق ليك انا مشغولة)وبداي بسؤال عن صحتها وعن اسرتها ولكن بكل اختصار وماتطوليش وتجبدي مشاكل عمك وخالك وجارتكم نادية وولدها تامر والعربي مول الدلاح لالالالا خليك غير على السلام والسؤال عنها وانك مفتقدتيها وودعيها على انكم غادي تتلاقو مع الابتسامة
من فن الاتيكيت اننا مانبقاش نحنزو(نخرجو عينينا)في الناس ونهدرو عليهم وحنا نشاورو لهم بيدنا او راسنا
من فن الاتيكيت مانتفلوش في الشارع (دفلة) ونخويو نيفنا ونرميو الزبالة (انا بعدا كانحشم وكانقول لو المغرب يصدر التفال كان حنا اغنا بلد لاني كانكون غادية ونقلب فين نحط رجلي من كثرة التفال حاشاكم) من العيب والعار علينا وعلى شبابنا انه يرجع الشارع والزمقة وقدام بيتهم مكان لتفال وقشور الزريعة وبابي ديال الحلويات ..الخ ( في بعض الدول حطو كاميرات ترمي غير عود سنان خاصك ترجع تهزو ايوة يجو عندنا كون راه كاع الرجال شادين الجفاف ونهار كامل كايجففو دفالهم اللي دفلوه في الزناقي والشوارع)
يتبع