المغربية
11-09-2017, 01:46 PM
فن الاتيكيت ومحاولة تغير لبعض السلوكيات الخاطئة
تتمة اتيكيت الكلام
من الاتيكيت اننا اذا نتكلم على شخص ثالث موجود معنا مانقولش هي او هو( مثلا كانتكلمو انا وصديقتي على زوجها عيب نقول هو جاب هو مشا هو شرا من الادب والاحترام انها تقول سي احمد جاب سي احمد مشا لبارح واذا صديقتها تتكلم عن زوجها تقول خويا احمد او خويا سي احمد او السي احمد) .
ومن اجمل فنون الاتيكيت هو فن الاستمااع( مثلا جالسين في مناسبة مهما كانت وشخص يتكلم خاصنا نسمعوه وحتى نكونو اتيكيت خاصنا نعطيه اهتمام ونسمعوه حتى للاخر ومانقاطعوه وتجنبي تعاودي القصص الطويلة وتجنبي تعاودي قصة عاودتيها اكثر من مرة في اكثر من مكان وتجنبي شي قصة جرات بينك وبين شخص كاتعرفيه وكانت محرجة وهو موجود وتبداي تعاوديها لطرف ثالث حتى يضحك.
من الاتيكيت ان تعلم نقرا وجوه الناس وتعابيرهم حتى نتعامل معهم (مثلا لقيت احد وجيت نسلم عليه وشفت من وجهه انه تحرج هنا خاصني نكون ذكية ونبتعد بكل ادب واحترام مع الاستأذان).
3 ــ اتكيت الضحك عند المرأة
ضحك المرأة له اصول واتكيت واداب والضحك هو سر من اسرار جمال وجاذبية المرأة. خاصك تضحكي بدون تكلف وبدون تصنع لان الضحكة الباردة والمتصنعة تكون باسلة وعاودتاني ماخصك غير تبقاي تكركري بالضحك حتى تهرب منك الناس.
وخاصك ماتخلي جسمك بهتز وانتي كاتضحكي من الاتيكيت يبقى جسمك ثابت وانتي كاتضحكي حتى تكون الضحكة موزونة وعاقلة.
من الاتيكيت الابتعاد عن الضحك بينك وبين نفسك وانتي مع الناس وحاولي قدر الامكان باش تكون ضحكتك مقادة مع ضحك الناس ماتسبقيهم بالضحكة ماتتاخري بعدهم بالضحكة.
4 ــ فن اتيكيت التسوق مع صديقاتك
كلنا كانحبو نتسوقو وخاصة عند شري لحوايج ( ملابس احذية ذهب اكسيسوارات فراش للدار اواني مطبخية ديكورات ..الخ) ونحبو يكون معانا صديقات حتى نستفيد من رايهم.
الى بغيت صديقتي تمشي معايا من الاتيكيت نعلمها من قبل بيومين باش تفضي نفسها لي وتسالي شغلاتها وتكون مرتاحة على خاطرها.
من الاتيكيت باش نعلمها بالاماكن اللي غادي نتسوق فيهم باش مانحرج نفسي ونحرج صديقتي( ومانفوت هذوك الاماكن اللي حددت ليها من قبل ماشي نديها حتى لسوق وندور بيها 4ساعات ومن بعد نقوليها اجي اختي نمشو لسوق .... يمكن نلقا هداك الشي لبغيت لالا راه خاصني نراعي وقتها وصحتها يمكن عيانة ) واخا توافق هيا انا خاصني يكون عندي اتيكيت ومتحضرة.
ملي ندخل المحل نسلم على صحابو وقبل مانمشي للحوايج نربج فيهم نسولهم واش عندهم الاشياء اللي انا كانقلب عليها الى عندهم نطلب منو يوريها لي ونعطيه المقاس اللون الشكل الوصف باش نسهل عليه وعليا والى كان في محل تجاري كبيرنمشي للمكان اللي فيه حاجياتي والى ماعرفت راه كاين بلايك لفووق مكتوب عليهم وفيهم سهم كايشير للمكان ولا تنسي بلي كاين ناس متخصصين يرشدوك ويساعدوك وماتخجليش راه شغلهم هذاك كايتخلصو عليه ولكن نهدر معهم بادب وتقدير ونشكرهم على لطفهم ومساعدتهم لي.
وملي نلقى حاجتي نقلبها مزيان ونستشير صاحبتي بصوت خافت ونعطيها الوقت باش تشوف وتجاوبني ( ماشي نحط ليها 100 حاجة ونهدر على 100 حاجة ثانية وعينيا طايرين نازلين وصوتي برزط الكل ونبغيها تساعدني؟؟ راه خاصها تديني لصبيطار الحماق ماشي تختار معايا).
والى ماعجبني اختيار صاحبتي مانقولش لها لالالا ماعجبنيش لا نشدو ونخليه في يدي ونشد هذاك اللي عاجبني ونقوليها ودايما بصوت خافت شوفي هذا كيف بان ليك ؟ راه يمكن يجي معايا اكثر ؟ والى اسرت على ذوق ماشي ذوقي نقولها راه حاسة مغاديش يجي معايا خلينا وركزي على خليييينا ناخذو هذا بش مايبقاش فيها الحال.
وملي نختار ونكمل نخلص ونشكر مول المحل ومن الاتيكيت باش نخلي صاحبتي تخرج قبلي باش ماتحس راسها بلي غير غاديا من وراك كاتقوديها وهيا تابعاك ديري بحال الى هيا اللي تقودك.
ومن الاتيكيت باش ماتخليش صاحبتك تهز ليك لحوايج انتي اللي تقديتي هزي حوايجك بنفسك والى معك بنتك او ابنك انتي المسؤولة عليه ماشي صاحبتك.( من العيب باش نبقى نقول لصاحبتي جيبي عاففاك ولدي راه خرج من المحل ولا عافاك هزيه لالالالالالا راه غادي تبقاي بلا صديقات)
الى تلاقيتي بشي صديقة ثانية ماتوقفي تسلمي عليها حتى تستأذني من صديقتك اللي معك لانك انتي اللي طلبتي منها تجي معك والى رفضت انتي غادي تديري نفسك ماشفتيها باش ماتخسريهم بجوج .( لهذا انا كانفضل نمشي بحدي لسووق اولا كانختار على خاطري وثانيا مانحرج نفسي ولا حد معايا)
اتيكيت التسوق وحدك غادي تحددي شنو بغيتي تشري
ومن فين
وتقدري الثمن باش مانتحرجو ونختارو الوقت المناسب باش نتفاداو الزحام. الى لقيت اللي بغيت نتفاهم مع صاحب المحل على الثمن والى مكتوب عليه نخلص ونحسب فلوسي ونشكر صاحب او صاحبة المحل عاد نخرج .
يتبع
تتمة اتيكيت الكلام
من الاتيكيت اننا اذا نتكلم على شخص ثالث موجود معنا مانقولش هي او هو( مثلا كانتكلمو انا وصديقتي على زوجها عيب نقول هو جاب هو مشا هو شرا من الادب والاحترام انها تقول سي احمد جاب سي احمد مشا لبارح واذا صديقتها تتكلم عن زوجها تقول خويا احمد او خويا سي احمد او السي احمد) .
ومن اجمل فنون الاتيكيت هو فن الاستمااع( مثلا جالسين في مناسبة مهما كانت وشخص يتكلم خاصنا نسمعوه وحتى نكونو اتيكيت خاصنا نعطيه اهتمام ونسمعوه حتى للاخر ومانقاطعوه وتجنبي تعاودي القصص الطويلة وتجنبي تعاودي قصة عاودتيها اكثر من مرة في اكثر من مكان وتجنبي شي قصة جرات بينك وبين شخص كاتعرفيه وكانت محرجة وهو موجود وتبداي تعاوديها لطرف ثالث حتى يضحك.
من الاتيكيت ان تعلم نقرا وجوه الناس وتعابيرهم حتى نتعامل معهم (مثلا لقيت احد وجيت نسلم عليه وشفت من وجهه انه تحرج هنا خاصني نكون ذكية ونبتعد بكل ادب واحترام مع الاستأذان).
3 ــ اتكيت الضحك عند المرأة
ضحك المرأة له اصول واتكيت واداب والضحك هو سر من اسرار جمال وجاذبية المرأة. خاصك تضحكي بدون تكلف وبدون تصنع لان الضحكة الباردة والمتصنعة تكون باسلة وعاودتاني ماخصك غير تبقاي تكركري بالضحك حتى تهرب منك الناس.
وخاصك ماتخلي جسمك بهتز وانتي كاتضحكي من الاتيكيت يبقى جسمك ثابت وانتي كاتضحكي حتى تكون الضحكة موزونة وعاقلة.
من الاتيكيت الابتعاد عن الضحك بينك وبين نفسك وانتي مع الناس وحاولي قدر الامكان باش تكون ضحكتك مقادة مع ضحك الناس ماتسبقيهم بالضحكة ماتتاخري بعدهم بالضحكة.
4 ــ فن اتيكيت التسوق مع صديقاتك
كلنا كانحبو نتسوقو وخاصة عند شري لحوايج ( ملابس احذية ذهب اكسيسوارات فراش للدار اواني مطبخية ديكورات ..الخ) ونحبو يكون معانا صديقات حتى نستفيد من رايهم.
الى بغيت صديقتي تمشي معايا من الاتيكيت نعلمها من قبل بيومين باش تفضي نفسها لي وتسالي شغلاتها وتكون مرتاحة على خاطرها.
من الاتيكيت باش نعلمها بالاماكن اللي غادي نتسوق فيهم باش مانحرج نفسي ونحرج صديقتي( ومانفوت هذوك الاماكن اللي حددت ليها من قبل ماشي نديها حتى لسوق وندور بيها 4ساعات ومن بعد نقوليها اجي اختي نمشو لسوق .... يمكن نلقا هداك الشي لبغيت لالا راه خاصني نراعي وقتها وصحتها يمكن عيانة ) واخا توافق هيا انا خاصني يكون عندي اتيكيت ومتحضرة.
ملي ندخل المحل نسلم على صحابو وقبل مانمشي للحوايج نربج فيهم نسولهم واش عندهم الاشياء اللي انا كانقلب عليها الى عندهم نطلب منو يوريها لي ونعطيه المقاس اللون الشكل الوصف باش نسهل عليه وعليا والى كان في محل تجاري كبيرنمشي للمكان اللي فيه حاجياتي والى ماعرفت راه كاين بلايك لفووق مكتوب عليهم وفيهم سهم كايشير للمكان ولا تنسي بلي كاين ناس متخصصين يرشدوك ويساعدوك وماتخجليش راه شغلهم هذاك كايتخلصو عليه ولكن نهدر معهم بادب وتقدير ونشكرهم على لطفهم ومساعدتهم لي.
وملي نلقى حاجتي نقلبها مزيان ونستشير صاحبتي بصوت خافت ونعطيها الوقت باش تشوف وتجاوبني ( ماشي نحط ليها 100 حاجة ونهدر على 100 حاجة ثانية وعينيا طايرين نازلين وصوتي برزط الكل ونبغيها تساعدني؟؟ راه خاصها تديني لصبيطار الحماق ماشي تختار معايا).
والى ماعجبني اختيار صاحبتي مانقولش لها لالالا ماعجبنيش لا نشدو ونخليه في يدي ونشد هذاك اللي عاجبني ونقوليها ودايما بصوت خافت شوفي هذا كيف بان ليك ؟ راه يمكن يجي معايا اكثر ؟ والى اسرت على ذوق ماشي ذوقي نقولها راه حاسة مغاديش يجي معايا خلينا وركزي على خليييينا ناخذو هذا بش مايبقاش فيها الحال.
وملي نختار ونكمل نخلص ونشكر مول المحل ومن الاتيكيت باش نخلي صاحبتي تخرج قبلي باش ماتحس راسها بلي غير غاديا من وراك كاتقوديها وهيا تابعاك ديري بحال الى هيا اللي تقودك.
ومن الاتيكيت باش ماتخليش صاحبتك تهز ليك لحوايج انتي اللي تقديتي هزي حوايجك بنفسك والى معك بنتك او ابنك انتي المسؤولة عليه ماشي صاحبتك.( من العيب باش نبقى نقول لصاحبتي جيبي عاففاك ولدي راه خرج من المحل ولا عافاك هزيه لالالالالالا راه غادي تبقاي بلا صديقات)
الى تلاقيتي بشي صديقة ثانية ماتوقفي تسلمي عليها حتى تستأذني من صديقتك اللي معك لانك انتي اللي طلبتي منها تجي معك والى رفضت انتي غادي تديري نفسك ماشفتيها باش ماتخسريهم بجوج .( لهذا انا كانفضل نمشي بحدي لسووق اولا كانختار على خاطري وثانيا مانحرج نفسي ولا حد معايا)
اتيكيت التسوق وحدك غادي تحددي شنو بغيتي تشري
ومن فين
وتقدري الثمن باش مانتحرجو ونختارو الوقت المناسب باش نتفاداو الزحام. الى لقيت اللي بغيت نتفاهم مع صاحب المحل على الثمن والى مكتوب عليه نخلص ونحسب فلوسي ونشكر صاحب او صاحبة المحل عاد نخرج .
يتبع