المغربية
11-09-2017, 01:55 PM
فن الاتيكيت ومحاولة تغير لبعض السلوكيات الخاطئة الدرس 4
4 ــ اتيكيت العرضات والمناسبات
العرضات والحفلات جميلة بزااف وكاتزيد المحبة والصداقة بين الاهل والاحباب وتكون جميلة اكثر الى طبقنا قواعد اللياقة والاتيكيت.
الى بغينا نعرضو شي حد خاصنا نتبعو 5 نقط
النقطة الاولى : حاولي الاتصال بالضيوف قبل يوم العرضة بأسبوع على الاقل مهما كانت صلة القرابة ( واخا يكونو مقربين جدا)مراعاة لان لكل شخص عندو التزامات ومشاغل خاصة.
النقطة الثانية :حديدي يوم العرضة والتوقيت والمدة (مثلا ننتظركم على الفطور من الساعة 6 ونصف مساء يوم الاحد حتى الساعة 11 ونصف ليلا (راه ماشي عيب تحددي المدة هذ شي جميل وحضري وبالعكس تريحك وتريحهم غادي يعرفو امتى تنتهي العراضة ).
النقطة الثالثة : ومن الايتكيت باش تعلمي الضياف بنوع الاكل والاطباق اللي غادي تقدمي (مثلا الى رسلتي بطاقة دعوة لضياف بعد كتابة المكان والتاريخ والساعة والمدة اكتبي الاطباق من الاول حتى للاخير. يمكن الكثيرين منكم جاتهم بطاقات على هذا الشكل وراه مريحة لك ولضيافك وتجنبك الاحراج لان البعض يكون عندو مرض حساسية من بعض الاطعمة ولا كايتابع ريجيم ..الخ)
النقطة الرابعة : تحديد عدد المعروضين وتوجيه الدعوة لهم بالاسم (مثلا الزوج والزوجة والأطفال).
والى حضرو الضياف من الاتيكيت استقبالهم بالابتسامة وان نخصص لكل شخص منهم وقت للسلام والسؤال عن حاله ونقولو بلي حنا جد سعداء بحضورو .
ومن الاتيكيت عند توديعهم نوقف معهم حتى لعند الباب ومانسدو الباب حتى يختفو (يبعدو)من قدام الباب وحنا نودعهم ونبتسم
وبعض المرات كايمشو بعض الضياف ويبقى البعض في هذه الحالة من الاتيكيت ماخصناش نهدرو في هذوك اللي مشاو.
**********
الى كنا حنا المعروضين من الاتيكيت باش نعرفو 4 نقط مهمة
النقطة الاوى : الى جانا ظرف طارئ من الاتيكيت باش نعلمو اصحاب العراضة يومين او يوم على الاقل.
النقطة الثانية : الالتزام بالموعد المحدد لموعد العراضة امتى تبدى وامتى تنتهي (في الذهاب والانصراف)
باش مانتسببو في احراج المضيفوناخذو من وقتو اكثر من الاازم.
النقطة الثالثة : من الاتيكيت إالى تعرضنا بحدنا مانخدوش شي حد معانا( مثلا تغرض عليا صاحبتي وندي معايا خالتي وبنت جيرانا ومرات خالي لالالالا نمشي غير انا راه هذيك الصديقة دارت بحسابي وعرضتني ومن الاتيكيت باش نحتارم رغبتها)
النقطة الرابعة : من الاتيكيت باش مانمشي يديا خاوين واخا ندي غيرهدية بسيطة.
ومن الاتيكيت الامتناع والابتعاد عن 6 سلوكيات للطرفين
الاولى : من الاتيكيت باش مانقولوش الراي ديالنا في طعام اصحاب لعراضة او رفض نوع من الاكل بشكل سلبي(مثلا هذ الدجاج مامحمرش مزيان ولا البسطيلة ديال دار فولان طلعت زوينة على هذه / ومانقولوش لالا مابغيتش هذا ماعمرني كليتو لالا من الاتيكيت باش نذوقو مجاملة ونحاول نعتذر بشكل لبق) .
النقطة الثانية : من العييييب باش نسول صاحبة لعراضة في وسط لعراضة وقدام الناس بحالاش طيبت شي اكلة او بشحال تقامت عليها ( يمكن هيا شاريتها طايبة ولا جابت شي طباخة طيبتها لها ونجي انا نحرجها قدام الناس لالالالالالا) من الاتيكيت باش نخلي حتى لمن بعد بايام ونسولها على الطريقة ونقوليها عجبتني طريقتك ونشكرها.
النقطة الثالثة :ومن العيييييييييييييب والجهل والتخلف والبلادة باش نخلي حتى لشي عراضة ونبقى نهدرعلى الامراض ولا المواقف الماساوية ولا شي موضوع يكون فيه اختلاف الاراء ( مثلا نقول شفتو فطيمة مسكينة دارت عملية ومانجحاتش ليها وراجلها هرب وخلا الدراري وكنزة ماتت والراجا غلب الوداد https://www.anaqamaghribia.com/vb/core/images/smilies/ibtissiamat%202/17kisa.gifاستغفر الله واش جاية معروضة ولا جايبة جريدة الاحداث معك؟؟).
النقطة الرابعة : من العيب باش نسلط هدرتي غيرعلى 1 الشخص معين ( بخال واش كلت دراستك؟ اشغادي تدير؟ وفين غادي تقراء؟ صافي ديري ليه تحقيق https://www.anaqamaghribia.com/vb/core/images/smilies/ibtissiamat%202/13kisa.gif ودوزي للي بعدو ).
النقطة الخامسة : من العيييب والعار والتخلف باش تبقاي غير تعرضي على ضيفك كول عافاك كول هذه ذوق هذي عافاك الا ماتكل راه غير غادي نرميه كول كول ...الخ:
النقطة السادسة :من الاتيكيت الى قدمتي لضيوفك شي اكلة غريبة (بحال اكل صيني هندي روسي ..الخ) خاصك تشرحي لضيوفك مكوناته وطريقة اكله.
************
من فن الاتيكيت باش نكونو خفاف ضراف ومانثقلو على اصحاب لعراضة ونبقاو غير نطلبو بحال زيدوني اتاي زيدوني القهوة وبغيت نشوف داركم شكون بناها ليكم؟ وزيد وزيد
****************
من الاتيكيت باش يجلس صاحب لعراضة وزوجته على اطراف المائدة والى كانو جالسين على السدادر خاصنا نخلوهم يجلسو في مكان سهل للخروج لانهم غادي يخرجو للمطبخ عدة مرات( ماشي يقولك صاحب الدار جلس هناك وتقولو انتا لا والله مايجلس فيه غير انت لالالالالا خليه هو يحدد لك مكان جلوسك لانه هو الي كايعرف لدارو ).
والى كان المعروضين اكثر من 4اشخاص وجالسين على مائدة الكراسي خاص كل رجل تجلس زوجته على يمينه
يتبع
4 ــ اتيكيت العرضات والمناسبات
العرضات والحفلات جميلة بزااف وكاتزيد المحبة والصداقة بين الاهل والاحباب وتكون جميلة اكثر الى طبقنا قواعد اللياقة والاتيكيت.
الى بغينا نعرضو شي حد خاصنا نتبعو 5 نقط
النقطة الاولى : حاولي الاتصال بالضيوف قبل يوم العرضة بأسبوع على الاقل مهما كانت صلة القرابة ( واخا يكونو مقربين جدا)مراعاة لان لكل شخص عندو التزامات ومشاغل خاصة.
النقطة الثانية :حديدي يوم العرضة والتوقيت والمدة (مثلا ننتظركم على الفطور من الساعة 6 ونصف مساء يوم الاحد حتى الساعة 11 ونصف ليلا (راه ماشي عيب تحددي المدة هذ شي جميل وحضري وبالعكس تريحك وتريحهم غادي يعرفو امتى تنتهي العراضة ).
النقطة الثالثة : ومن الايتكيت باش تعلمي الضياف بنوع الاكل والاطباق اللي غادي تقدمي (مثلا الى رسلتي بطاقة دعوة لضياف بعد كتابة المكان والتاريخ والساعة والمدة اكتبي الاطباق من الاول حتى للاخير. يمكن الكثيرين منكم جاتهم بطاقات على هذا الشكل وراه مريحة لك ولضيافك وتجنبك الاحراج لان البعض يكون عندو مرض حساسية من بعض الاطعمة ولا كايتابع ريجيم ..الخ)
النقطة الرابعة : تحديد عدد المعروضين وتوجيه الدعوة لهم بالاسم (مثلا الزوج والزوجة والأطفال).
والى حضرو الضياف من الاتيكيت استقبالهم بالابتسامة وان نخصص لكل شخص منهم وقت للسلام والسؤال عن حاله ونقولو بلي حنا جد سعداء بحضورو .
ومن الاتيكيت عند توديعهم نوقف معهم حتى لعند الباب ومانسدو الباب حتى يختفو (يبعدو)من قدام الباب وحنا نودعهم ونبتسم
وبعض المرات كايمشو بعض الضياف ويبقى البعض في هذه الحالة من الاتيكيت ماخصناش نهدرو في هذوك اللي مشاو.
**********
الى كنا حنا المعروضين من الاتيكيت باش نعرفو 4 نقط مهمة
النقطة الاوى : الى جانا ظرف طارئ من الاتيكيت باش نعلمو اصحاب العراضة يومين او يوم على الاقل.
النقطة الثانية : الالتزام بالموعد المحدد لموعد العراضة امتى تبدى وامتى تنتهي (في الذهاب والانصراف)
باش مانتسببو في احراج المضيفوناخذو من وقتو اكثر من الاازم.
النقطة الثالثة : من الاتيكيت إالى تعرضنا بحدنا مانخدوش شي حد معانا( مثلا تغرض عليا صاحبتي وندي معايا خالتي وبنت جيرانا ومرات خالي لالالالا نمشي غير انا راه هذيك الصديقة دارت بحسابي وعرضتني ومن الاتيكيت باش نحتارم رغبتها)
النقطة الرابعة : من الاتيكيت باش مانمشي يديا خاوين واخا ندي غيرهدية بسيطة.
ومن الاتيكيت الامتناع والابتعاد عن 6 سلوكيات للطرفين
الاولى : من الاتيكيت باش مانقولوش الراي ديالنا في طعام اصحاب لعراضة او رفض نوع من الاكل بشكل سلبي(مثلا هذ الدجاج مامحمرش مزيان ولا البسطيلة ديال دار فولان طلعت زوينة على هذه / ومانقولوش لالا مابغيتش هذا ماعمرني كليتو لالا من الاتيكيت باش نذوقو مجاملة ونحاول نعتذر بشكل لبق) .
النقطة الثانية : من العييييب باش نسول صاحبة لعراضة في وسط لعراضة وقدام الناس بحالاش طيبت شي اكلة او بشحال تقامت عليها ( يمكن هيا شاريتها طايبة ولا جابت شي طباخة طيبتها لها ونجي انا نحرجها قدام الناس لالالالالالا) من الاتيكيت باش نخلي حتى لمن بعد بايام ونسولها على الطريقة ونقوليها عجبتني طريقتك ونشكرها.
النقطة الثالثة :ومن العيييييييييييييب والجهل والتخلف والبلادة باش نخلي حتى لشي عراضة ونبقى نهدرعلى الامراض ولا المواقف الماساوية ولا شي موضوع يكون فيه اختلاف الاراء ( مثلا نقول شفتو فطيمة مسكينة دارت عملية ومانجحاتش ليها وراجلها هرب وخلا الدراري وكنزة ماتت والراجا غلب الوداد https://www.anaqamaghribia.com/vb/core/images/smilies/ibtissiamat%202/17kisa.gifاستغفر الله واش جاية معروضة ولا جايبة جريدة الاحداث معك؟؟).
النقطة الرابعة : من العيب باش نسلط هدرتي غيرعلى 1 الشخص معين ( بخال واش كلت دراستك؟ اشغادي تدير؟ وفين غادي تقراء؟ صافي ديري ليه تحقيق https://www.anaqamaghribia.com/vb/core/images/smilies/ibtissiamat%202/13kisa.gif ودوزي للي بعدو ).
النقطة الخامسة : من العيييب والعار والتخلف باش تبقاي غير تعرضي على ضيفك كول عافاك كول هذه ذوق هذي عافاك الا ماتكل راه غير غادي نرميه كول كول ...الخ:
النقطة السادسة :من الاتيكيت الى قدمتي لضيوفك شي اكلة غريبة (بحال اكل صيني هندي روسي ..الخ) خاصك تشرحي لضيوفك مكوناته وطريقة اكله.
************
من فن الاتيكيت باش نكونو خفاف ضراف ومانثقلو على اصحاب لعراضة ونبقاو غير نطلبو بحال زيدوني اتاي زيدوني القهوة وبغيت نشوف داركم شكون بناها ليكم؟ وزيد وزيد
****************
من الاتيكيت باش يجلس صاحب لعراضة وزوجته على اطراف المائدة والى كانو جالسين على السدادر خاصنا نخلوهم يجلسو في مكان سهل للخروج لانهم غادي يخرجو للمطبخ عدة مرات( ماشي يقولك صاحب الدار جلس هناك وتقولو انتا لا والله مايجلس فيه غير انت لالالالالا خليه هو يحدد لك مكان جلوسك لانه هو الي كايعرف لدارو ).
والى كان المعروضين اكثر من 4اشخاص وجالسين على مائدة الكراسي خاص كل رجل تجلس زوجته على يمينه
يتبع