قصة ولادة سيدنا عيسى بالعامية

**الشيخ / خالد الجعفري** · 09:05 AM

بسم الله الرحمن الرحيم
قصة ولادة سيدنا عيسى عليه السلام
من أقوال سيدى الامام فخر الدين رضى الله عنه
سيدنا عيسى من بدايته داخل فى الرؤية منذ ولد ، ولدوه فى أربع ساعات وتلت ، أصالة قصة سيدنا عيسى غريبة ، غريبة خالص ، ليه ؟
أولا :
السيدة مريم ختام أولاد سيدنا يوسف ، سيدنا يوسف حفرالترعة بتاع الفيوم فى ألفى يوم وعمل بنى سويف ، سكن فيه أبناء يوسف ، سميتموه (بنى سويف) وتسمية ترعة الفيوم ماالفيوم لكن (ألفى يوم) حفر فيهم الترعة (حداقة)
وبعدين بنى سويف يعنى (أبناء يوسف) سكن أولاده فى بنى سويف ، فكان رئاسة اللاهوت كله عند أولاد سيدنا يوسف من السيدة زليخة آخر حاجة بنتين ، زوجة سيدنا زكريا والسيدة مريم ، ودكها الأكبر ، وطبعا الوضع الالهى ان بعد سيدنا عيسى الرئاسة حتنتقل للعرب لرسول الله صلوات الله وســلامه عليه ، كان نورالنبى متنقل فى العرب ، ونور النبوة متنقل فى الاسرائيليين ، وبعد سيدنا عيسى نورالنبوة راح يروح مع نور النبى فى محل واحد ، اللى هو رسول الله صلوات الله وسلامه عليه
سيدنا عيسى عليه افضل الصلاة والسلام ، قصته شايكة خالص ، خالص ، خالص ، لما عرفنا ان أولاد سيدنا يوسف كان نهايتهم البنتين دول ، واحدة متزوجة سيدنا زكريا ، والسيدة مريم .
وبعدين أم السيدة مريم لما حملت بالسيدة مريم قالت { رب انى نذرت لك مافى بطنى محررا } صافيا ، ولغاية النهارده القسس بيوهبوا أولادهم للكنيسة ــ { فتقبل منى انك انت السميع العليم } فلما وضعتها قالت { رب انى وضعتها انثى واللــه أعلم بما وضعت } وبعدين { وليس الذكر كالأنثى } وقالت { وانى سميتها مريم وانى أعيذها بك وذريتها من الشيطان الرجيم } ربنا قبل الدعوة دى { وإنى أعيذها بك وذريتها من الشيطان الرجيم } فاذا حصل ان سيدنا عيسى تزوج وولد ، مش أولاده ، وأولاد أولاده ، وأولاد أولاد أولاده راح يكونوا معصومين ؟ أيوه ، فلذلك سيدنا عيسى ما يلدش ده الأول .
ثانيـا :
السيدة مريم أمها ماتت فالإسرائيليين قالوا ده يكفلها ، ده يكفلها { أيهم يكفل مريم } وتناقشوا ، تناقشوا ، أخيرا رموا القرعة ، القرعة وقعت على سيدنا زكريا ، لموها على اختها ، وودوها بيت اختها ، ولكنها قالت أنا عايزه أوضه بس ، ادوها أوضة ، فرشتها وقعدت ، ذكر وعبادة وصلاة ، ذكر وعبادة وصلاة طوالى ، وبعدين سيدنا زكريا وصى زوجته ، قال لها : انتى بتعرفى ان الاسرائيليين كلهم بيحترموا أولاد سيدنا يوسف ، فلازم تحترميها وتخدميها وتأكليها ، زوجة سيدنا زكريا بتودى الغدا ، تجد الفطور راقد ، تودى العشا ، تجد الغدا راقد وهلم جرا استمرت كثير ، وبعدين قالوا البنت دى راح تموت هنا والاسرائيليين هيطلعوا عينى ، قالت لسيدنا زكريا البنت دى لابتاكل ولابتشرب ، سيدنا زكريا جاء لها جرى ، يفتش يلقى الأكل قاعد ، يفتش تانى يلقى الأكل قاعد ، إستمر { كلما دخل عليها زكريا المحراب وجد عندها رزقا ، قال يا مريم أنى لك هذا ، قالت هو من عند الله إن الله يرزق من يشاء بغير حساب } واضــــح ؟ { هنالك دعا زكريا ربه } معنى هنالك ، فيه قصة ، إيه القصة ؟
الظرف بتاع سيدنا عيسى وسيدنا عيسى راح يتخلق من ده (واضح) ؟ أهى دى الورطة اللـــى إنتوا بتقولوا فيها ، سيدنا زكريا كان بيطلب ولد { رب هب لى ذرية ، رب هب لى ذرية } بينما ربنا يقول له : مافيش لأن الختام ما عندكم ، لما جاء ودخل للسيدة مريم لقى حقيقة سيدنا عيسى فى باطن السيدة مريم بنور النبوة ، إستأذن من سيدنا عيسى وطلب بواسطة سيدنا عيسى ولد ، سيدنا عيسى قبل ، وربنا قبل ، قالوا له : طيب ، حنديك ولد ، ولدك ده مستحيل يعمل ذرية ، فهمت إن حصور معناه المقطوع الذرية ، يعنى مايلدش ، مش ناقص فى رجولته حاجة ، لا ، كامل الرجولية لكن مايلدش بأمرالله { هنالك دعا زكريا ربه } معناه كده ، وبعدين نمشى لقدام ، السيدة مريم فضلت كده لغاية مابلغت الحلم ، بلغت الحلم
حصل الأقباط مرة غالطونى ، قالوا : كتابكم بيقول عن السيدة مريم انها افضل نساء العالمين ، فى الأول تكلموا معايا فى نقاش طويل شوية ، وقالوا لى : احنا بنعرف انكم ناس فصيحين ، وبتعرفوا العلوم ، ومن كل العلوم بتردوا ، فكتابكم بيقول فى السيدة مريم انها افضل نساء العالمين ، وانتوا فى الحديث والسنة بتقولوا السيدة فاطمة أفضل نساء العالمين ، قلت لهم : أيوه ، الاثنين فيه ، قال: كيف ربنا يقول فى السيدة مريم افضل نساء العالمين ، وانتوا تقولوا فى السيدة فاطمة أفضل نساء العالمين؟ قلت له : أيوه ، ربنا ماقالش أفضل بنات العالمين انما قال أفضل نساء العالمين ، والسيدة مريم مادامت حية كانت بنت ، مش أفضل بنات العالمين ، لما يوم القيامة تقوم وتدخل الجنة ، النبى صلى الله عليه وسلم راح يتزوجها ، فى الحالة دى تبقى الزوجة ، خير نساء العالمين ، انما فى الحياة فأصلها بنت مامرأة (حداقة) يعنى طول ماهى بنت ماينطبقش عليها افضل نساء العالمين والتفضيل حيكون فى الآخرة
وبعدين السيدة مريم لما بلغت الحلم ، من كثرة القعاد رجليها تعبت ، مرة حبت تطلع تتفسح ، وتطلق رجليها ، صلت الصبح مع سيدنا زكريا ، والصبح الثانى كان فى غسق الليل ، صلت الصبح وطلعت تتمشى ، شافت ولد شاب جعيص ، وهى انتبذت من أهلها مكانا شرقيا قصيا ، يعنى مشواره كمان ، يعنى ناحية الشرق ، وبعدين { قالت انى أعوذ بالرحمن منك ان كنت تقيا } بعض التفاسير قالت فيه واحد شاب فاسق فى المدينة وهى بتتعوذ من الشاب ده والصوفية قالوا: لا، فاذا هى عنيت بالتعوذ الشاب ده ، معناه اذا هى لقيت غيره عاوزاه ، طبعا مش كده ؟ قالوا :طيب ، أمال الحيلة إيه ؟ قالوا : الحيلة أصلا مرتبة (الأنا) اسمها مرتبة الشيئية وربنا تبارك وتعالى يقول { ورحمتى وسعت كل شئ } فالاسم المسيطر على وحدة الوجود كلها انما هو الاسم (الرحمن) تبقى تعوذت بالعظمة اللى محتاط به الوجود العينى كله ، يعنى بتقول مادام الرحمن هو القاهر على الوجود العينى ده ، انا تعوذت ، اذا انت تحت قهر الاسم الرحمن ، تعوذت من أى واحد غير الاسم الرحمن بالاسم الرحمـــن { قالت انى أعوذ بالرحمن منك ان كنت تقيا } وبعدين جاء ووصل اليها وقال : انى رسول الله ، جاى ليه ؟ قال لها { لأهب لك غلاما زكيا } اللى انتى بتتعوذى به هو اللى أرسلنى ، قالت { أنى يكون لى غلام } ده مامعقول ، أنا مش ممكن يكون لى غلام { ولم يمسسنى بشر ولم أك بغيا } أنا مش فاسدة ، ولا عندى راجل ، يكون لى غلام كيف ؟ قال لها : قال ربك { هو على هين وقد خلقتك من قبل ولم تك شيئا } ده أمر إلهى عند ربنا هين ، وبعدين خافت وانزعجت ، قعد يقول لها انتى فى الوارد شفتى كذا، فى الرؤيا شفتى كذا ، فى المحراب شفتى كذا ، والملايكة قالوا لك كذا ، انتى اللى راح تلدى اللى ينجى الاسرائيليين ، وبعدين اطمأنت، لما اطمأنت نفخ فيها كده (هف) وراح، البطن فضل يكبر طوالى ، فى أربع ساعات وتلت ولدت سيدنا عيسى ، لما البطن فضلت تكبر طوالى كده قالت { ياليتنى مت قبل هذا وكنت نسيا منسيا فناداها من تحتها } سيدنا عيسى من بطنها ، بيكلمها وهو لسه فى بطنها ، ألا تخافى ولاتخزنى { قد جعل ربك } لو كان الخطاب من ربنا كان يقول (قد جعلت) لكن الخطاب كان من سيدنا عيسى وبيقول ألا تخافى ولاتحزنى { قد جعل ربك تحتك سريا وهزى اليك بجـــذع النخلة } مش نخلة (جذع) ومقطوع الراس { تساقط عليك رطربا جنيا } ظاهر؟ وبعدين وضعت ، الناس اللى صلوا معاها الصبح مع سيدنا زكريا ، عندهم بهايم ، بيدوروا عليها، جاؤوا ، وراحوا عندها وجدوها قاعدة والولد معاها ، قالوا لها { ياأخت هارون } احنا مثلناك بسيدنا هارون أخو سيدنا موسى رئيس الاسرائيليين ، انتى بطلتى الأكل وبطلتى الشرب وبطلتى النوم وطول الليل والنهار شغلك العبادة ، ده المشهور عنك ، النهارده نلاقى عندك ولد !!!
قامت زعلت ، قالوا لها { ياأخت هارون ماكان أبوك امرأ سوء وماكانت أمك بغيا فأشارت إليه } لأنها سمعته قبل كده { قالوا كيف نكلم من كان فى المهد صبيا قال إنى عبد الله آتانى الكتاب وجعلنى نبيا} الآية.. مش هى إشارت ؟ أيوه إشارت ، علشان كده المجاذيب شغلهم كله اشارة ، والاشارة واردة فى المصحف ، فهمت ياعم الشيخ ؟ الاشارة بتفيد أكثر من التصريح ، فاذا قالت لهم جاءنى جبريل وعمل كذا وكذا، كانوا ضربوها ،لا، هو صاحب القصة يتكلم زى ماهو عايز ، فسألوها (خلصنا) ؟
فهمنا ان سيدنا عيسى ابتدأ من آخر مرتبة سيدنا موسى من العملية دى ، مش كـــده ؟
تبارك وتعالى يقول { إن مثل عيسى عند الله كمثل آدم خلقه من تراب ثم قال له كــــن
فيكون } وواقع الحال معناه مش كده ، ليه ؟
أبونا آدم راجل مخلوق منه مرأة سيدنا عيسى راجل مخلوق من مرأة طبعا ، تحطهم كده يبقى راجل ومرأة ، وراجل ومرأة ، أيوه ، ثم الدورة الزوجية تمام ، تمام ؟ أيوه ، ده أولا ، ثانيا الخلافة ابتدت بسيدنا آدم ، وستختم بسيدنا عيسى ، أبونا آدم خلقوه حامل نور النبى صلى الله عليه وسلم ، وسيدنا عيسى { ومبشرا برسول يأتى من بعدى إسمه أحمد } يكون سيدنا عيسى نبى ورسول ومن أولى العزم من الرسل ، فى الاســرائيليين طبعا ، وبعدين ده زى سيدنا أبوبكر فى الصحابة ، زيه تمام ، مش أول أمة النبى ، وراح يخدم الدين بتاع النبى عليه الصلاة والسلام .