تعالوا نشيك على( رصيدنا وحسابنا ) بسرعه

[العنود]

أكيد كلنا عندنا حساب فالبنك .. لكن نختلف بطريقة ادارتنا لحساباتنا .. مثلا ً ..



1: في وحده تفتح لها حساب توفير .. وكل شهر يدخل بحساب التوفير مبلغ معين ومع الوقت تستثمر المبلغ
وهالاستثمار يدر عليها ارباح وخير


2: في وحده تفتح حساب للتوفير .. لكن ماتعرف تمسك ايدها عن الكماليات
وان شافة شي يعجبها راحت تسحب من هالحساب .. هذي سحبها الدايم , بـ يقطها على صخر !



3: في وحده ماتعرف من التوفير غير اسمه .. اهي بوادي والتوفير بوادي !




و في حياتنا الزوجيه .. كل وحده فينا عندها حساب ورصيد مع زوجها


لكن .. هل قاعدين ( نودع ) في رصيدنا ونستثمر مع الزوج ؟

او كل شوي نسحب من رصيدنا ؟


و عالرايحه والراده قاعدين نتحلطم ونقول لأزواجنا


أنا سويت , أنا ضحيت , أنا صبرت , أنا وأنا وأنا


المن ..


لما الوحده تمن على زوجها .. اهي بكل بساطه قاعده تفسد رصيدها


لما تقولين أنا وأنا وأنا .. يمكن يكرهج قبل لايشوف أنتي شنو سويتي


لانج قعدتي تتكلمين وتمنين وماعطيتيه مجال يشوف بنفسه اللي سويتيه



فأحنا محتاجين نراجع حساباتنا .. وهل صرفنا أكثر من توفيرنا أو العكس ؟


هل رصيدنا فيه شي او مصفر !!



الحـيــــــــــــــــــــن


شلون يزيد رصيدنا مع الزوج :


1: الحنان – اللمسات – حسن المعامله – التقدير – المعاشره الحميميه – الحوار والمشاركه – المؤازره


الابتسامه – النظرات – الكلمه الطيبه – الهدايا – الثناء – التقدير التقدير التقدير – الشكر - المجامله في بعض الامور



مثال ً :




أحمد .. شاف نفنوف عجبه وحب يشتريه لزوجته .. فـ لما عطا زوجته نور النفنوف


نور : وي قصة النفنوف ماتناسب جسمي !

أو

نور : لو عطيتني قيمته جان شريت على ذوقي واللي يناسبني !

أو

نور : ممم حلو بس هـ لستايل قديم


للأسف التعليق السلبي مايشجع الزوج على العطاء


للأسف بعض الحريم مبدعين بمجاملة الصديقات والاهل


لكن مايعرفون يجاملون أزواجهم .. مع انه الزوج اولى بالمجامله


للأسف الأسلوب الخاطئ يخفس بالرصيد ..


ويخلي الزوج ما يفكر يشتري شي بالمستقبل لزوجته



2: التركيز على حسنات وايجابيات الزوج..


سبحان الله .. احنا نركز ع الامور اللي ماتعجبنا .. وهالشي يأثر بنفسيتنا ويأثر بطريقة تعاملنا


فـ الصح انه نركز على ايجابيات وحسنات الزوج



3: تقديره و معرفة طريقة حبه


مثال :


نور : أحس انك ماتحبني مثل اول


أحمد : ليش تقولين جذي ؟ بالعكس


نور : لأنك ماتقولي أحبج مثل اول زواجنا


أحمد : نور .. أنا مو قاعد اقصر معاج ... وقاعد احترمج .. وأقدرج وطلباتج اغلبها مجابه


نور : أي .. بس انت ماتقولي كلام حلو نفس اول ولاحتى تعبر لي عن حبك !


أحمد : واللي أسويه عشانج شنو ؟ أنتي ماتقدرين يانور !



نلاحظ : أنه نور تعتبر الحب اهو الكلام المعسول .. حالها حال أي زوجه


تحتاج انها تحس انها مرغوبه ومحبوبه وزوجها يغرقها بكلمات الحب


وهذي طبيعة المرأه انها عاطفيه ربي خلقها جذي عشان تأدي واجب الامومه بأكمل صوره


بالمقابل ..

الرجل يعبر عن حبه بطريقه عمليه .. انه يلبي طلبات الزوجه .. ويحاول مايخلي عليها قاصر


وهذي طبيعة الرجل .. الرجل يعتبر نفسه مسؤول عن عايلته , عن حماية اسرته , عن الامان وتوفير مايلزمهم ماديا .. وبالنسبه للرجل يعتبر هالشي ( أكبـــــــــــــــر تعبير ودليل على حبه )
لانه الرجل يعبر عن حبه ( بالفعل والعطاء )



وكل اللي يحتاجه بالمقابل التقدير والثناء

[رؤى]

شكرا على الموضوع المفيد والنصايح الهادفة يسلمووو

[المغربية]

شكرا على الموضوع والنصايح المفيدة جزاكى الله كل خير

[بدر التمام]

شكرا ع الموضوع القيم والنصايح الحلوة ويسلمووو

[رفيدة حسين]

شكرا على الموضوع والنصايح المفيدة جزاكى الله كل خير

[صافيناز العتيبي]

شكرا وجزاكى الله كل خير اختى على الموضوع والنصايح القيمة