 |
بتاريخ : 26-08-2015 الساعة : 01:41 PM
رقم
#1
طريفة عمل البط الدمياطي
|
شاملى ماسى
|
عندنا منطقة اسمها دمياط على البحر المتوسط اهلها بيعشقو البط
والبطة دي هدية لشيخنا الفاضل درويش ولكل الاخوة والاخوات بالمنتدى
طريقة عمل البط سهلة أول حاجه
يغسل بالملح و الدقيق والليمون كويس عشان الريحة وبعدين ينقع فى ماء و خل لمدة 1/4
ساعة
اغلى الماء وبعدين ضيفى البط بس اوعي تغطيها بالغطا عشان الشوربة متبقاش غامقة
وهتلاقي ريم بيطلع لازم تشيليه كل مايطلع
ضيفى بصلة متوسط معاهم و بعد نزع الريم ضيفى فصين حبهان + فصين مستكة
+ ورقة لورا ( لورى أو غار ) + فلفل أسود
وهنا ممكن تغطى على البطة ( عشان مش تطير من الحلة
ولما تقرب تستوي ضيفى الملح [و طبعا الحاجات ديه تضاف بعد نزع الريم
حتى لا تنزع معه من الأول ] و بس خلاص هى ديه كل الحكاية
ملحـــــوظة :
ممكن إضافة
قليل من الخل إلى الماء وهذا يساعد على سرعة النضج وتمنع ريحة الزفارة
وبعدين ممكن يكون التحمير بالفرن
بعد سلق البط تصفى جيدا من ماء السلق تدهن البطة بالصلصة أو السمن و تدخل الفرن و تفتح الشواية و تترك حتى تحمر مع مراعاة
تقليبها على كل الجوانب حتى لا تحترق
او طريقة تانية التحمير فى
السمن البلدي
* بعد سلق
البط تصفى جيدا من ماء السلق عشان مش يفرقع السمنه في وشكمعاينة الصورة
سخني ملعقتىن سمن وحمري البطة فيهما مع مراعاة التقليب كلما إحمر جانب منها
و تقدم فى طبق مفروش بورق من الخس أو أرز وممكن ترشي ملح وفلفل على البطه
وزينيها بحلقات بصل وطماطم وفلفل
|
 |
|
المفضلات