أخواتي نتمنى من الله تكونو بألف خير و صحة و سلامة اليوم غنقدملكم واحد المملحة كتجي لديدة بزاااف و ساهلة حتى فالتحضير يعني ادا جا شي ضيف على غفلة غتنفعكم بزااف و المداق روعة بلى منطول عليكم غنحتاجو

العجين المورق
شرائح الديك الرومي المدخن
جبن السندويشات



غنقطعو شرائح ديك الرومي على أربعة و كدلك جبن السندويشات كيفما كتبين الصورة



من بعد نطلقو العجين المورق و نقطعوه بالقطاعة على شكل مستطيلات يكونو كبارين شوية باش ملي نعمرو العجينة نقدرو نطويوها



ملي نقطعو نزلو مربع من الجبن فوق منو مربع ديك الرومي عاود نزلو مربع الجبن على الشكل الاتي



ديك ساعة نطويو واحد جانب و من بعد اخور و نشدوه مزيان و نقلبوه نعملوهم فصينية الفرن و ندهنوهم ببيضة مطربة اولا أصفر بيضة مطرب







نشعلو عليهم الفران من تحت غير يتحمرو نطلعهم نفوقي عاود يتحمرو و ها هوما واجدين بالصحة و الراحة من الاحسن يتقدمو سخونين باش كيكون الجبن دايب



نتمنى نكون شرحت مزيان و تيقوني كيجيو لدااادين بزااف و مكيديوشي الوقت كيستحقو تجربهوم و متبخلوشي علي بشي دعوة د الخير و الردود ديالكم


منقووووول