شعر ناعم بدون سوشوار


السلام عليكم و رحمة الله تعالى و بركاته

ازيكم يا حبايب قلبي؟؟

بصوا بقى أنا جايبالكم طريقة عمل الباتشا...

الباتشا دي طريقة مغربية بيعملوها المغربيات عشان ينعموا شعرهم..

الباتشا بتنعم الشعر من غير سيشوار ولا أي حاجة

هقولكم الطريقة حالا و من هنا بقولكم انكم هتضمنوا شعر ناعم طبيعيا بس تتبعوا الخطوات و بالصور

و اللي عجبها الموضوع طبعا تقيمه و اللي ما فهمتش حاجة منه تسألني و أنا في الخدمة...

كل اللي هنحتاجه موجود في الصورة دي



طبعا زي ما انتوا شايفين البتاع الاسود ده بتاع الشعر مش لازم يكون مموج لازم يكون عادي عشان الشعر ما ياخذش الشكل المموج

هنحتاج كمان مشط و توكة شعر

هنحتاج كمان زيت لوز او كريم مغذي للشعر

نيجي بقى للطريقة

* تغسلي شعرك كويس بشامبو و بلسم

*شعرك و انتي لسة طالعة من الدش اذهنيه بشوية صغيرين من زيت اللوز

*تقسمي الشعر نصين من فوق الاذن شوية الى الاذن الاخرى.. يعني كده هيبقى عندك نصين نص من الاذن للاذن الاخرى و النص التاني من الاذن رقم 2 الى الرقبة اوكي؟

* بعد ما قسمتي تاخذي كل نص و تسرحيه كويس بالمشط و انتي بتمشطيه لفيه على راسك و امسكيه بالحاجات السودة دي اللي في الصورة و هتخلصي النص الاولاني هتلاقي نفسك عند النص تاني كمان لفيه على راسك و الصور دي بتبين الطريقة بالتفصيل الممل




دي صورة تانية كمان توضيحية



* بعدها تاخذي طرحة تكون قطن عشان الشعر يتنفس و تلفيها عليه و تنامي...

*لفي الطرحة كويس عشان ما تقعش و انتي نايمة

* آه طلعي ودانك من تحت الطرحة عشان ما تزعجكيش هههههههه

* الصبح هيكون شعرك ناعم و صدقيني هتكوني مبسوطة جدا من النتيجة

المغربيات اللي هيدخلوا موضوعي امهاتنا هارونا عملية الپاتشا دي هههههههه و كمان عملية القردون هههههههههههههه

عملية القردون كانت ماما ربنا يخليهالي بتعملهالي عشان شعري يطول و فعلا كان على طول ظهري ...

المهم يا حبايب قلبي اتمنى اكون افدتكم شوية

في آمــــ الله ــــا ن

منقولة للاستفادة