 |
بتاريخ : 02-12-2016 الساعة : 05:56 PM
رقم
#1
جوه شخصية
|
شاملى فضى
|
جوه شخصية
ليك مستخبي جوه شخصية
بتبين منك اجزاء
حاجات ميته وحاجات حيه
وحاجات ف حكم الأشلاء
الكلام المرة دي من نوع آخر
الكلام المرة دي بئا م الآخر
والكلام المرة دي ليه آخر
مش زي كل مرة ، بحر بدون فواصل
شخصيتك هي الكرتونة
فاكر الكرتونة
كرتونة لعبك
وانت صغير
كنت تحير
دايما حاسس ان الدنيا جوه الكرتونة
ضحكة ودمعة وعاقلة ومجنونة
اه ع الكرتونة
طب فاكر العربية
اللي حلمت انها تكبر
ويا عمرك وانت بتكبر
توصل تبقي بتركبها بجد ؟؟
فاكر يوم ما رسمت الدنيا
قطعة وقطعة فوق التانية
جوه مكعب كان بيعمر
مكنش يخرب
اه ع الكرتونة
الشخصية زي متاهة
او اشكال بتكمل بعض
يمكن توصل او تستناها
لكن صعب يكون في بُعد
الحلم مكانش كبير علي سنك
ولا عمرك فكرت تهده
بس سمحت لناس تدخلك
تجري قبله وهي تشده
تخرج بيه بره الحقيقة
تدخله ف بحر الاوهام
مش سايبينك لو لدقيقة
تفكر تقرر تعبر تنام
اوعي ف يوم تكون ضعيف
تربط نفسك بالشخصية
فاكر الشخصية ؟؟
ايوه فاكرها متصعش عليا
اوعي تقول هتفضل جنبي
اوعي تقول هتعيش ليا
مين بيعيش لحد غيره
مين كان قلبه حمل آذيه
هتقول حبتها
هاقولك يا حيلتها
الحب ده مهنة
مبقاش احساس
الحب زمان كان شعور
دلوقتي بقي كلام برصاص
وشوية وينزل ع الكراس
وهتفضل هي هي الفكرة
انك عايش جوه الصندوق
بس المرة دي صندوق وهم
مليان بشاعة جوه كابوس
مليان احباط واذي لنفوس
مليان قسوة مليان ذكري
والله انا نفسي انسي الذكري
انسي انك كنت ف يوم
جوه حياتي
عيشتيني الحلم
وكتبتي مماتي
انا مش ناوي اقلبها دراما
ما اصلي فهمت اللعبة المرة
فهمت القصة بداية ونهاية
لازم افهمها .. دي تالت مرة
انا بس هاقول انك لازم
تفضل دايما جوه الشخصية
اللي رسمتها وانت صغير
اللي حلمت توصل ليها
بيها من غيرها .. هتكمل
صدقني .. لسه طريقك مفتوح للأخر
لسه هناك في الف محطة
لسه المرسي موصلتش ليه
لسه العربية بتجري عليه
ولسه البيت اللي بناه
بيدور عليه ويستناه
لسه يا قلبي
الحلم ما جاش
بس هايجي
والله هايجي
لو حسيت انك تهت
وسط كلامي او تعبت
ارجع واقري السطر الاول
هتفهم قصدي من غير ما اطول
خليك دايما جوه الشخصية
حاجات ميته وحاجات حيه
|
 |
|
المفضلات